Muharrom sè Moljâ

Oleh: DhafirAbdullah*

Malem samangkèn dhisa –dhisa rammi

Acara pawai dâri santrè ngajhi

è masjid bân langgher bennya’ orèng ngajhi

Anak yatim dhuafa è santuni

Tahun baru Islam kodhu è parajâ

sabâb muharrom bulân sè muljâ

A ghendhu’ peristiwa sè raje

Wâjib ètafakkuri muslim sadhâjâ

Bulân nèka Allah nyipta langgi’ bân bhumi

Rahmatta Allah toron pertama kali

Arsy sè agung ampon è bhâdhi

Musa bân umatta e salamettaghi

Nabi yusuf kaloar dâri penjara

Tobhetthe nabi Adam è tarema

Adam katemmu ka Siti Hawa

Taurat è toronnaghi ka Nabi Musa

Soca Nabi Yakub bisa ngoladhi

De’ ka potra sè abit tak è pangghi

Nabi Yusuf rukun satarètanan

è bhumi Mesir nata pertanian

Nabi Sulaiman è angka’ dheddhi raja

Nabi Ayub sehat sedia kala

Nabi Yunus kaluar dâri  jhuko’

Abe’na atobhet  ka Allah tako’

Apoi ka Ibrahim tak bisa ngello’

Nabi Nuh bân umat padâ maso’

Ka kapal rajâ keben jhughen è ghibe

è dâlâm kapal salamet sadhâjâ

Tore sambut parammi bulân sora

A tajhin bâghi sana' saudara

Jhe’ loppa mun kuat a puasa

Dhusa sè tapongkor malè è sapora

Mughe abe’ sadheje è raksa'a

Aghente bekto ènga’ tojjhuenna

Tercapai sadhâjâ cita-cita

Manfaat odi’ dunnya ka akhèratta

_____________                                                          

*) Penulis merupakan guru di MTs Nurul Jadid, Sumberwaru, Situbondo.