Puisi Madura: Namen Loka



SAMPEAN BARU

Naleka bula parappa' alomampa
Da' sampean baru bangunan se watuwa
Ghadhu din Balandha
bangkang socana
Klamon kottah lamba'
Pon toman e jhajhah

Sampean baru
ajjha' dhuli  maelang
Bula ghi’ nyantoa
Sampe’ ka na'potona

Bondowoso, 4 Juli 2019


AKADHI BULAN BAN BINTANG

Akadhi bulan ban bintang
Sabbhan are akomantan
makke awan dapa' ngaddhang
Salerana dhika pagghun paddhang

Duh ale
Seddhi kalaban dhika
Ate bula bhunga
Jhau dari dhika
Ate bula loka

Alambay daunna gheddhang
Erepoh angen kalaban mesra
Ale' se akodung celleng
Mare tellas bula alamara

Jember, 5 Juli 2019


ROSEYA E BULAN JUNE

kelamon dhika berta
Sera se cinta?
Rua dhika se alomampa e dalem mimpe

Kelamon dhika berta
Sera se maloka?
Rua dhika se meyos saampon ojhan e bulan June

Samangken,
Juli alambay ngocap salam
Eyatore ka se anyar bisaos dateng
Pada nyambhallut kakerrongan

Jember, 6 Juli 2019


GUSTEH, AJUNAN PELABBHUWAN AHER

Gusteh, manabi Ajunan ta' mampu kaula kennal kalaban nyata
Cokop Ajunan kabharaghi dalem rasa
Sopaja kengeng  ngrassa’aghi esa’na taresnah

Gusteh, bila asta ta' dhagha nyambhellut Ajunan
Izinkan abdhina rengkangaghi
Sareng nyo'on ampunan attas sadhaja dhusa se elakoni

Gusteh, sobhah dua' abdhina se bannya' dhusa
Nyellem dalem baharan taresnah

Jember, 6 Juli 2019


NAMEN LOKA

Dhika se namen loka
Manabi bula sa ngrabadhina
Myeram kalaban aang mata
Bhutokka kalaban dua'
Sopaja tombu landhu kelaban abuwah nestapa

Panarukan, 6 Juli 2019

Biodata Penulis
Nama yang sering dipanggil dari sejak ia dilahirkan dikota tape Bondowoso, pada tanggal 08 Juli 1998. Penulis kumpulan puisi Episode Bulan Juni (2019).

Puisi Madura: Namen Loka Puisi Madura: Namen Loka Reviewed by takanta on Januari 26, 2020 Rating: 5

Tidak ada komentar